කාර්යය මණ්ඩලය

ප්‍රාදේශීය ලේකම්
	නම	සුමිත් කේ. සෝමරත්න මයා
	සුදුසුකම්	ශාස්ත්‍රවේදී උපාධිය - සාමය සහ ගැටුම් නිරාකරණය
	සේවා ඉතිහාසය	ප්‍රාදේශීය ලේකම් -  ප්‍රාදේශීය ලේකම් කාර්යාලය,රඹෑව. සහකාර ප්‍රාදේශීය ලේකම් - ප්‍රාදේශීය ලේකම් කාර්යාලය,මධ්‍යම නුවරගම් පළාත
සහකාර ප්‍රාදේශීය ලේකම්
	නම	කේ. ඒ. නිර්මාණි මිය
	සුදුසුකම්	"ව්‍යාපාර පරිපාලනය පිළිබඳ විද්‍යාවේදී (විශේෂ) උපාධිය – ශ්‍රී ජයවර්ධනපුර විශ්වවිද්‍යාලය"
	සේවා ඉතිහාසය
ගණකාධිකාරි
	නම	එන්. කේ. රත්නායක මිය
	සුදුසුකම්	වාණිජවේදී විශේෂ උපාධිය
	සේවා ඉතිහාසය
සහකාර අධ්‍යක්ෂ (සැලසුම්)
	නම	හසාරා පියුමිණී මිය
	සුදුසුකම්	ඖෂධවේදය පිළිබඳ විද්‍යාවේදී (ගෞරව) උපාධිය
	සේවා ඉතිහාසය
පරිපාලන නිලධාරි
	නම
	සේවා ඉතිහාසය
මූලස්ථාන සමෘද්ධි කලමණාකරු
	නම	බී.එම්.ගුණරත්බංඩා මයා
	සුදුසුකම්	ශාස්ත්‍රවේදී උපාධි
	සේවා ඉතිහාසය	සමෘද්ධි මූලස්ථාන කළමණාකරු -  ප්‍රාදේශීය ලේකම් කාර්යාලය තලාව සමෘද්ධි මූලස්ථාන කළමණාකරු -  ප්‍රාදේශීය ලේකම් කාර්යාලය ඉපලෝගම සමෘද්ධි මූලස්ථාන කළමණාකරු -  ප්‍රාදේශීය ලේකම් කාර්යාලය ගල්නෑව
පරිපාලන ග්‍රාම නිලධාරි
	නම	එම්.කේ.එස්.මුණවීර මයා
	සුදුසුකම්	ග්‍රාම නිලධාරි අධිශ්‍රේණිය
	සේවා ඉතිහාසය

හැඳින්වීම

හැඳින්වීම

අතීතයේ ආහාර අහේනිය (කරකොළ සාය බැමිණිතියා සාය) නියඟයෙන් හා සොළී ආක්‍රමණ නිසා මෙහි ජීවත් වූ මිනිසුන් මෙම ප්‍රදේශය අතහැරගොස් තිබේ. පසු කලෙක ගමේ වැව කුඩා වුයෙන් පුංචි එය විශාලකර ගව්වක් (සැතපුම් 04 ක්) දිග වැව් බැම්මකින් යුත් විශාල ජලාශයක් බවට පත් කළ නිසා ගාලෑගම,කළුන්දෑගම සහ සිස්සෑව යන අවට ගම්වල විසිරි සිටින ජනයා නැවත මහ ගමට (තඹුත්තේගමට ව්‍යවහාර කළ නමකි) පදිංචියට පැමිණායහ. ඉන්පසු බත බුලතින් හා පස්ගෝරසයෙන්ද සරුසාර ගමක් බවට තඹුත්තේගම පත්ව තිබේ.

වලගම්බා රාජ්‍ය සමය වන විට මහමග (තඹුත්තේගම) ජනයාට තම ආගමික වතාවත් ඉටුකර ගැනීම සඳහා සිද්ධස්ථාන කිහිපයක් තිබි ඇත. උතුරින් ගලෙන්බිදුනුවැව වැව විහාරය (වර්තමානයේ භික්ෂුණි ආවාසය) වෙඩිතියන ගල විහාරය, වෙහෙරගල විහාරය, ඔරුගල විහාරය, නල්ලඋලච්චිය රජමහා විහාරය ( වත්මන් තෙල්හිරියාව රජමහා විහාරය) සහ හීනුක්ගල විහාරය එම මධ්‍යස්ථානයන්ය.කෙසේවුවත් මෙම විහාරස්ථාන සොලී ආක්‍රමණ හා කොල්ලකැම් නිසා විනාශයට ගිය අතර නල්ලඋලච්චිය රජමහා විහාරය නිරුපද්‍රිතව පැවතිම ඉතිහාසය අමතක නොකරන ලෙස වර්තමානයේ ජිවත් වන්නන්ට කියා පැමක් ලෙස සිතිය හැක

1815 මාර්තු 02 දින ඉංග්‍රීසින්ගේ කපටි උගුලට හසුවිමේ ප්‍රතිඵලයක් වශයෙන් සරුසාර  වු මෙම ප්‍රදේශ විවිධ විනාශයන්ට ලක්වි තිබේ. භූ සිතියම් උපයෝගීකොට සංවර්ධනයේ මුවාවෙන් සරුසාර තෙත්බිම් දිය පිරි ලොකු කුඩා වැව් පොකුණු මතින් දිගු මාවත් ඉදිකිරිමට පෙළඹිම නිසා මහත් ව්‍යසනයක් භූමියට සිදුවු බව පැරැන්නන්ගේ විශ්වාසය වි තිබේ. කෙසේ වුවත් දකුනේ සිට උතුරට රේල් පාර ඉදිවිම තඹුත්තේගමට විශේෂ අවස්ථාවකි. මෙම රේල් පාර තඹුත්තේගම හරහා ඉදිවීම මෙහි විසූ සාම්ප්‍රදායික ග්‍රාමීය වැසියන්ට විශ්මය ගෙන දෙන්නක් විය. දින ගණන් කල් මරමින් ඉදිවන මෙම අපූරු නිර්මාණය කුමක් දැයිගම්වැසියෝ නෙත් දල්වා බලා සිටියහ.පසුව එහි ප්‍රථිඵල වශයෙන් ඉදි වූ දුම්රිය ගමනාගමනය දුටුවන් මවිතයට පත් කර තිබේ.ඒ සමගම 

• මහ පාර උතුරට ඉදිවීම
• පාසලක් ඉදිවීම (ගාමිණි මහ විදුහල- වර්තමාන ප්‍රාථමික විදුහල)
• ඩිස්පැන්සරියක් ඉදිවීම(වර්තමාන ආයුර්වේද රෝහල)
• පී.ඩබ්.ඩී. බංගලාව ඉදිවීම(ප්‍රසිද්ධ වැඩ දෙපාර්තමේන්තුව)
• දුම්රිය නැවතුම්පලක් ඉදිවීම

ආදී සංකීර්ණ ක්‍රියාවලියක්  මෙම ප්‍රදේශය කරා ගලා ඒමත් සමඟ නාගරීකකරණයේ ආරම්භය සිදුවී ඇත. ඒ අනුව 70 දශකය අවසානයේ තඹුත්තේගම ප්‍රදේශය සුවිශේෂි කඩඉමක් පසු කරනු දක්නට ලැබේ.

කොට්ඨාශයට අයත් ග්‍රාම නිලධාරී වසම්වල පිහිටීම

අරම්භය :1988.01.14

තලාව ප්‍රාදේශිය ලේකම් කාර්යාලයේ උපකාර්යාලයක් ලෙස

1988.05.14. ප්‍රදේශීය මහ ලේකම් කාර්යාලයක් බවට පත් කිරිමෙන් පසු

සමෘද්ධි වැඩසටහන්

 2020 වර්ෂයේ සමෘද්ධි ලාභීන් සවිබල ගැන්වීම - යෝජිත

01.තඹුත්තේගම ප්‍රාදේශීය ලේකම් කොට්ඨාසයේ සමෘද්ධි  බැංකු සංගම් 02කි. මෙහි සමෘද්ධි  ප්‍රතිලාභ ලබන පවුල් ඒකක  1884 කි. ඉන් ග්‍රාම නිලධාරී වසමකින් පවුල් ඒකක 05 බැගින් සවිබල ගැන්වීමට නියමිතය.

02. අඩු ආදායම්ලාභී පවුල් වලින් අ.පො.ස. (සාමාන්‍ය පෙළ) සමත් දරුවන් 35 දෙනෙකු සඳහා  ශිස්‍යත්ව ආධාර ලබාදීමට යෝජිතය

03. දිරිය පියස නිවාස සංවර්ධන වැඩසටහන මගින් එක් නිවසනට රු 150,000.00 බැගින් සමෘද්ධිලාභී පවුල් 06 ක් සඳහා නිවාසආදාර ලබාදීම

04. ජීවනෝපාය සංවර්ධන වැඩසටහන යටතේ රජයේ ප්‍රතිපාදන මත පවුල් 20ක් සඳහා ආධාර සැපයීම. ඒ යටතේ

05. මීට අමතරව  සමෘද්ධි බැංකු සංගම් දෙක මගින්  පුතිලාභීන් 300 දෙනෙකු සඳහා ණය වශයෙන් රු මි 10.5 පහත පරිදි ලබාදීමට නියමිතය.